Në Teksas policia ka gjetur mbrëmë tre fëmijë të braktisur, si dhe eshtrat që i përkisnin vëllait tyre të mitur.
Policia gjeti në një kompleks në pjesën perëndimore të Houston, tre fëmijë të moshës 7, 10 dhe 15-vjeç dhe eshtrat e fëmijës së katërt, transmeton Telegrafi.
“Situata është e tmerrshme, tragjike. Prej kohësh jam në këtë punë dhe kurrë nuk kam dëgjuar për ndonjë rast të ngjashëm. Jam i shokuar”, ka thënë Ed Gonzalez, nga zyra e sherifit në Harris.
“Fëmijët për një kohë të gjatë kanë jetuar në kushte të tmerrshme”, tha Gonzalez kur u pyet nëse mendon për javë të tëra që fëmijët mund të kenë qëndruar të vetmuar – duke theksuar se “ata jetuan aty derisa u dekompozua trupi”.
Për këtë rast policia mësoi kur 15-vjeçari u telefonoi dhe u tha se prindërit i kanë braktisur muaj më parë dhe se vëllai i tyre 9-vjeçar ka vdekur, e kufoma e tij për afro një vit po qëndron në apartament.
According to HCSO 3 children found abandoned in West Harris County – skeletal remains also found. On the scene of 3500 block of Green Crest near Addicks-Clodine and Westpark Tollway. @KHOU pic.twitter.com/kkz9HM9vbS
— Zack Tawatari (@zacktKHOU) October 24, 2021
Policët i gjetën fëmijët të paushqyer, të lënduar dhe për këtë menjëherë i dërgoi në spital. Nuk dihet nëse fëmijët kishin shkuar në shkollë dhe se si i kaluan muaj të tërë pa ushqim. E ëma e tyre dhe i dashuri i saj më vonë janë gjetur dhe arrestuar.
“Duket se janë kujdesuar më shumë për njëri-tjetrin. Më i madhi është munduar të kujdeset për më të rinjtë. Është e tmerrshme”, tha për fund zyrtari policor. /Telegrafi/