Policia në Oregon shpëtoi një dre “të rrezikshëm dhe agresiv” i cili kishte ngecur në një në një gardh teli me gjemba.
Policia e Shtetit të Oregon në një postim në Facebook tha se një oficer i tyre iu kishte përgjigjur një raportimi se një dre kishte ngecur në një gardh afër Mitchell, dhe se kur kishte arritur zbuloi se brirët dhe këmbët e pasme të drerit kishin ngecur në “telin e trashë me gjemba”.
Oficeri e kontaktoi Departamentin e Peshkut dhe Kafshëve të Egra në Oregon, por se asnjë zyrtar i tyre nuk ishte në dispozicion për të dalë në ndihmë me një qetësues, raporton UPI, transmeton Telegrafi.
Një zyrtar nga zyra e sherifit në Kantonin Wheeler dhe oficeri në fjalë përdorën prerëse bulonash për të çliruar këmbët dhe brirët e drerit nga teli.
Postimi thoshte se një sasi e vogël teli ishte ende e lidhur në brirët e drerit kur iku.
“Nuk duket se ky dre ishte aq mirënjohës për shpëtimin sa ne mendonim se do të ishte”, thuhej në postim. “Siç mund ta shihni nga kjo video, këto kafshë të egra janë agresive dhe të rrezikshme”, shkruhej tutje aty. /Telegrafi/