Policia e Maqedonisë informon se gjatë protestave të djeshme në Shkup, ku protestuan disa organizata maqedonase për mbrojtjen e emrit të Maqedonisë, është arrestuar një person, tek i cili janë gjetur koktej molotovi.
MPB-ja gjithashtu informon se në protestat e djeshme , është lënduar një polic, i cili ka siguruar selinë e BE-së në Shkup, përcjell Telegrafi Maqedoni
“Disa persona kanë hedhur gurës në drejtim të zyrës së BE-së, me çka është goditur një zyrtar policor në krahun e majtë”, thonë nga policia.
Përndryshe, mbrëmë gjatë protestave ka pasur edhe incidente të ndryshme, ku u dogjën flamujt shqiptar dhe ai grek./Telegrafi/