Dje në një dasmë në Reçicë të Vogël nga rikoshetat e plumbave u plagosën dy persona.
“Më 30.07.2019 në orën 22:00, në festën e dasmës së organizuar në derën e shtëpisë të 47-vjeçarit B.D. në rrugën “172” në Reçicën e Vogël-Tetovë, nga plumbat e shkrepura është lënduar 27-vjeçari A.B. nga Reçica e Vogël dhe 26-vjeçari F.A. nga Reçica e Madhe.
Të dy personat janë dërguar në Spitalin Klinikë në Tetovë”, njoftojnë nga MPB.
Në vendin e ngjarjes ka dalë prokurori publik dhe pjesëtarët e SPB Tetovë ku kanë bërë edhe ekspertizë. Punohet për zbardhjen rastit./Telegrafi/