Njësitë e ROAN të Guardia di Finanza të Pulias kanë ndaluar një skaf që po tentonte të trafikonte një sasi te konsiderueshme droge drejt Italisë.
Policia e Shtetit shqiptar bën me dije se kapja është kryer falë aktivizimit prej 24 orësh të sinjaleve të alarmit nga pala shqiptare.
Policia italiane me anë të njësive operative të Guardia di Finanza ne Durrës e Vlorë dhe atyre të Pulias është vënë në gatishmëri dhe pas identifikimit të mjetit lundrues janë vënë në ndjekje me mjetet e tyre detare të shpejta për ndalimin e skafit të kundërligjshëm dhe kapjen e trafikanteve, transmeton OraNews.
Pas disa orë ndjekje është bërë e mundur kapja e skafit me 1350 kg kanabis në bord në afërsi të Barit dhe të arrestohen dy trafikantët shqiptarë.
Policia shqiptare bën të ditur se ata janë: G.I., 24 vjeç dhe B.K. 52 vjeç.
Autoritet e të dy policive vijojnë hetimet për të zbuluar të implikuar të tjerë në trafik dhe lidhjet me dy mjetet lundruese të ndaluara në bregdetin shqiptar me skafistët italianë.
