Policia në ishullin grek të Lesbos i gjuajti me gaz lotsjellës migrantët protestues që mbetën të pastrehë, pasi iu dogj kampi i tyre të mërkurën.
Sipas medieve të huaja, përcjell Telegrafi, rreth 13 mijë migrantë dhe refugjatë, kishin jetuar në kampin e mbipopulluar të Morias.
Kështu, përleshjet shpërthyen pranë një kampi të përkohshëm i cili ishte ndërtuar nga autoritetet greke.
Si pasojë, një zjarr që u ndez sot gjatë ditës pranë një bllokade policie, u shua nga zjarrfikësit e zonës.
Që kur iu dogj kampi të mërkurën, migrantët u detyruan të flenë në rrugë dhe në zona të papërshtatshme. /Telegrafi/
