Një hetim për vrasje po vazhdon edhe sot, pasi policia në Angli kapi një burrë dhe një grua që bartnin “organe njerëzore” në një valixhe.
Sipas mediave të huaja, përcjell Telegrafi, një grua në të 20-tat nga qyteti Birmingham dhe një burrë 30-vjeçar nga Wolverhampton, janë arrestuar pasi dyshohen për vrasje.
Çifti u ndalua në një rrugë në qytetin Coleford të regjionit Gloucestershire të martën, pasi një oficer policie në terren hasi në dyshime dhe i pyeti për valixhen.
Mbetje të tjera të dyshuara njerëzore janë gjetur në rrethinën e pyllit, mirëpo kërkimi është përqendruar rreth zonës së Stowfield dhe përreth.
Bëhet e ditur se dje një njësi e gjerë e policisë e ka ekzaminuar vendin e ngjarjes, ndërsa të dyshuarit mbeten në arrest./Telegrafi/