Site icon Telegrafi

Policia franceze vret një person që i sulmoi ata me thikë në Paris

Policia franceze njoftoi se oficerët vranë një burrë që mbante thika në duar, pasi ai “u hodh” drejt tyre në periferi të Parisit.

Rreth orës 7:00 të mëngjesit (0600 GMT), policia iu afrua “një burri që ishte duke pritur në një stacion autobusi gjersa kishte thika në secilën dorë” në qytetin e Dugny, njoftoi policia e Parisit për AFP.

Burri “u hodh drejt tyre, pa thënë asnjë fjalë”, njoftuan ata. Një prej oficerëve përdori një “armë elektroshoku” pa efekt.

Një tjetër oficer më pas “përdori armën e tij,” duke plagosur burrin në gjoks.

“Atij iu dha ndihma e parë deri sa erdhi personle mjekësor. Pavarësisht kujdesit të dhënë, burri vdiq”, njoftoi policia.

Policia lokale dhe inspektorati përgjegjës për hetimin e keqbërjeve të policisë, i quajtur IGPN, kanë hapur një hetim.

Në vitin 2023, 36 persona vdiqën si pasojë e veprimeve të policisë, sipas IGPN-së.

Ky incident ndodhi pas arrestimit të një burri 37-vjeçar me origjinë algjeriane, i akuzuar për një sulm me thikë në qytetin lindor të Mulhouse, të shtunën, ku vrau një burrë portugez dhe plagosi shtatë oficerë policie dhe trafiku.

I dyshuari për sulmin në Mulhouse nuk kishte dokumente dhe ishte kërkuar të largohej nga territori francez. /Telegrafi/

Exit mobile version