Policia Financiare sot është futur në Klinikën për Hematologji dhe Reumatologji dhe Agjencinë për Ilaçe. Sipas Nova TV, qëllimi i inspektorëve ka qenë blerja e fundit e ilaçit Maberta, i cili në vend drejtpërdrejtë nga prodhuesit, është marrë përmes importit paralel të ilaçeve.
Nga Policia Financiare për Nova TV thonë se kanë filluar hetimet pas denoncimeve nga pacientët se ilaçi që e marrin është nga importi paralele, përcjell Telegrafi Maqedoni.
“Kemi marrë denoncime se ilaçi është nga importi paralele dhe do të konfirmohet nëse bëhet fjallë për ilaçin origjinal. Kemi hyrë në klinika që të shohim nëse kanë çertifikata për cilësinë dhe gjithë liçencat tjera. Por kjo do të zgjasë, tani jemi në gjysmë të rrugës”, thonë nga Policia Financiare.
Nga Klinika për Reumatologji thonë se janë të sigurtë për këtë ilaç, pasi sipas tyre, prodhuesi ka dorëzuar një çertifikatë të cilësisë nga prodhuesi dhe një çertifikatë që zinxhiri i ftohtë është ruajtur.