Dy 18-vjeçarë nga Shtipi janë arrestuar pasi po transportonin 23 emigrantë nga Siria, mes të cilëve 10 të mitur. Emigrantët u zbuluan në Veles pasi një kamion Ford doli nga rruga dhe ra në një kanal.
“Dje rreth orës 20:05 në autostradën A1, drejtuesi i mjetit A.I. nga fshati Karaorman i Vjetër nuk është ndalur në shenjën e zyrtarëve policorë, pas çka ka hyrë në Veles dhe ka dalë nga rruga në rrugën “8 Shtatori” dhe ka rënë në një kanal. Me këtë, një i mitur është lënduar i cili është dërguar në spitalin e Velesit. Gjatë arrestimit, A.I. ka sulmuar fizikisht një punonjës policie”, thuhet në njoftimin e MPB-së.
Me urdhër të prokurorit, një ekip nga SPB Veles ka kryer kontroll dhe pas dokumentimit të plotë të rastit, do të dorëzohen kallëzime përkatëse.