Skuadrat shqiptare po bëhen pjesë e hetimeve për manipulim ndeshjesh, vit pas viti, duke u dënuar ndonjwherw, e shpesh duke shpëtuar.
Këtë verë duket se kjo çështje nuk do ngelet vetëm me dënimin e Skënderbeut, i cili u pezullua një vit nga Uefa dhe CAS nga garat evropiane.
Teuta e Durrësit e kreu fazën përgatitore në Austri, ku dhe u ndesh me disa ekipe, mes tyre dhe Austria Wien. Ndeshja me austriakët, e luajtur në 21 qershor u mbyll në fitoren 7:2 të vendasve.
Për këtë ndeshje shteti austriak ka marrë informacion për mundësinë e saj të kurdisjes, prandaj, në 25 qershor, në derën e hotelit ku qëndronte Teuta në Mayrhofen, trokiti policia austriake.
Ekspertët morën në pyetje të gjithë ekipin durrsak dhe sekuestroi prova materiale si telefona apo dokumente, të cilat janë akoma duke u kontrolluar.
Masa të ashpra priten për Teutën në rast provimi të dyshimeve, masa që do e bënin akoma më të hidhur humbjen 5:0 me Kairat. /Telegrafi/