Gjatë mbrëmjes së djeshme, policët e rajonit të Shkupit kanë tentuar që të kontrollojnë një veturë në lëvizje, por që shoferi nuk u është bindur urdhërave policore dhe ka tentuar që të ikë.
Kjo ka bërë që policia të ndërmerr masa për ndalimin e personit dhe në rrugën rajonale Hipodrom-Katllanovë, afër tregut të kafshëve, është arritur ndalimi i veturës, përcjell Telegrafi Maqedoni.
Me këtë rast, është identifikuar shoferi R.B (27) nga Shkupi dhe gjatë kontrollit, në veturën e tij janë gjetur tre kilogramë marihuanë.
Policia e ka privuar nga liria të ndaluarin dhe janë marrë masa për procedura të mëtutjeshme./Telegrafi/