Një polic amerikan i ka treguar botës së jo vetëm atleti Usain Bolt është i shpejtë – ai është filmuar nga helikopteri duke bërë një vrapim tejet të shpejtë derisa po ndiqte një person të dyshuar nëpër autostradë.
Edhe pse personi i dyshuar ishte mbi 40 metra larg policit, ai arrin t’i vihet pas dhe ta rrëzon në tokë, transmeton Telegrafi.
Por, është interesant se si kolegu i tij që ishte më afër të dyshuarit nuk arrin ta kap, kurse ky që me dhjetëra metra ishte pas, i afrohet e kalon dhe e përplas në tokë, transmeton Telegrafi.
Videoja është bërë virale në internet dhe është shpërndarë në masë të madhe në rrjetet sociale, duke i dhënë epitetin policit të super-shpejtë si “rrufeja”.
Ngjarja ka ndodhur në Jeffersontown të Kentucky në SHBA, kurse kamerat e televizioneve që po ndiqnin live nga helikopteri kanë filmuar gjithçka. /Telegrafi/
