Një ish-polic i Arizonës në Shtetet e Bashkuara është shpallur i pafajshëm për vrasjen e një burri të paarmatosur para dhomës së hotelit gjatë vitit 2016, ku videoja e postuar më poshtë shfaq momentin kur qëllon mbi të me një breshëri plumbash.
Philip Mitchell Brailsford 27-vjeç është shpallur i pafajshëm për vdekjen e shkaktuar në vitin 2016, ndaj babait të dy fëmijëve Daniel Shaver 26-vjeç nga Granbury i Teksasit, transmeton Telegrafi.
Të shtënat që familja e Shaver iu referohet si “ekzekutim” kishin ndodhur në periferi të Phoenixit, Mesa, ku policët i janë përgjigjur një telefonate që dikush brenda hotelit kishte nxjerrë revolen nga dritarja dhe ua kishte drejtuar qytetarëve në rrugë.
Në videon e publikuar shihet se si policia urdhëron Shaverin t’i mbajt duart lart dhe të ecë i gjunjëzuar në drejtim të tyre, dhe të mos bëjë ndonjë lëvizje të befasishme përndryshe rrezikohet të qëllohet.
Por, edhe pse iu bind urdhrave të tyre duke i lutur vazhdimisht “të lutem mos më vrisni”, ai në një moment derisa po ecte i gjunjëzuar tenton të rregulloj pantallonat që e pengonin të lëvizte, veprim ky që i kushtoi me jetë pasi u qëlluar me një breshëri plumbash.
Sipas policit Brailsford ai kishte shkrepur me pushkën e tij automatike AR-15, pasi i është dukur që Shaver po tentonte ta nxirrte revolen nga brezi.
Por edhe pse policët nuk gjetën kurrfarë arme te trupi i tij i pajetë, pas një kontrolli të detajuar në dhomën e hotelit ku ai kishte qëndruar kanë gjetur dy pushkë.
Lidhur me vendimin e gjykatës assesi nuk është duke u pajtuar familja e viktimës, që vrasjen e ka quajtur “ekzekutim”. /Telegrafi/
