Policët me mbipeshë janë dërguar në një kamp të veçantë për rregullimin e barkut.
Sipas policisë në Pak Chong, programi u shpall i suksesshëm. Të gjithë policët me mbipeshë në mbarë vendin po dërgohen në Central Police Training Center, ku mbajnë një dietë strikte dy javore dhe stërviten për tu dobësuar.
“Ka shumë probleme kur je i shëndoshë. Punon ngadalë dhe ecën ngadalë. Kjo është e papranueshme për një oficer policie të ngarkuar për arrestimin e kriminelëve. Ata duhet të jenë të shkathët dhe të lëvizin shpejt”, tha Sornpetch Chantarak, zbatues i programit të ri dietik.
Sornpetch tha se policët që peshonin 80 kilogramë shkuan në 60 kilogramë.
Stacionet e policisë në mbarë vendin do përzgjedhin 2 ose 3 oficerë të shëndoshë për të marrë pjesë në program në të njëjtën kohë. /oranews/