Real Madrid ka harruar humbjen nga Wolfsburgu në Ligën e Kampionëve dhe ka shënuar fitore në shtëpi përballë Eibarit 4-0.
‘Los Blancos’, e kanë kryer çështjen e skuadrës fituese qysh në pjesën e parë duke shënuar katër gola.
Serinë e golave e hapi James Rodriguez që shënoi një gol spektakolar nga gjuajtja e lirë për 1-0 në minutën e pestë.
Ndërkohë në minutën e 18-të, Reali dyfishoi epërsinë nëpërmjet të riut Lucas i cili u asistua nga Ronaldo.
Vetëm një minutë më vonë Cristiano Ronaldo shënoi golin e parë në ndeshje dhe të tretin për madrilenët.
Ndërkohë për 4-0 u përkujdes Jese përsëri pas asistimit nga portugezi Cristiano Ronaldo.
Në pjesën e dytë, Reali uli ritmin për tu mos u lodhur para sfidës së rëndësishme në mesjavë që do ta zhvillojë kundër Wolfsburgut.
Ndërkohë pas kësaj fitore ‘Mbretërit’, janë ngritur në pozitën e dytë me 72 pikë dhe presin një gabim të Barcelonës sonte ndaj Real Sociedadit për të shpresuar ende në titullin e kampionit në La Liga.
Javën e ardhshme Real Madrid do ta luaj derbin lokal të Madridit përballë Getafes. /Telegrafi/
4-0: Jese shënon, Cristiano Ronaldo asiston.
Posted by Telegrafi Sport on 2016-04-09
3-0: Pas asistimit vjen edhe goli nga Cristiano Ronaldo.
Posted by Telegrafi Sport on 2016-04-09
2-0: Lucas Vazquez shënon, Cristiano Ronaldo asiston.
Posted by Telegrafi Sport on 2016-04-09
1-0: Reali nëm epërsi, James Rodriguez shënon nga gjuajta e lirë.
Posted by Telegrafi Sport on 2016-04-09