Një e mitur dyshohet se është abuzuar seksualisht në Pogradec.
Nëna e 12-vjeçares denoncoi në policinë e qytetit 29-vjecarin me iniciale K.T, për marrëdhënie seksuale me vajzën e saj.
Burime pranë grupit të hetimit bëjnë me dije se nëna e vajzës deri para pak kohësh bashkëjetonte me babain e 29-vjecarit dhe vetëm pas ndarjes, ka denoncuar rastin për vajzën e saj të mitur.
Kjo, edhe për grupin e hetimit, tregon se nëna ka qenë në dijeni të rastit, por e ka denoncuar vetëm kur lidhja e saj me babain e të riut ka marrë fund, raporton TCH.
Policia e Pogradecit ka filluar hetimet për rastin ndërkohë që vajza e mitur, në prani të psikologëve ka bërë me dije se prej 2 vitesh kishte një lidhje me 29-vjeçarin.
Gjithsesi, policia edhe për shkak të moshës së vajzës ka arrestuar 29-vjeçarin dhe ka filluar hetimet.