Paul Pogba ka vizituar vendin e shenjtë për myslimanët, Mekën, pikërisht në muajin e shenjtë të Ramazanit.
Mesfushori francez ka fituar Ligën e Evropës në javën e kaluar me Manchester Unitedit, pasi kanë mposhtur Ajaxin në finale me rezultat 2-0, ku njëri gol u shënua pikërisht nga Pogba.
Pas kësaj fitore dhe përfundimit të Ligës Premier, trajneri Jose Mourinho iu ka dhënë pushim skuadrës dhe futbollistëve të tij.
Pogba e ka shfrytëzuar këtë pushim për të kryer një ritual fetar pasi i takon religjionit islam, shkruan Telegrafi.
Francezi ka vizituar vendin e shenjtë për myslimanët, Mekën, qysh në ditën e parë të muajit të shenjtë të Ramazanit, ku edhe ia ka uruar festën të gjithë komunitetit të tij, teksa Mekën e ka cilësuar si gjënë më të bukur që e ka parë.
“Gjëja më e bukur që e kam parë në jetë”, ka shkruar Pogba në njërin nga postimet e tij në rrjetet sociale. /Telegrafi/