Manchester United ka humbur përsëri, kësaj radhe me rezultat 4-2 nga Leicester City në King Power Stadium.
Gjiganti anglez ka pësuar katër gola dhe kjo nuk i ka pëlqyer aspak mesfushorit francez Paul Pogba.
Numri gjashtë i Djajve të Kuq ka folur pas kësaj ndeshje, duke akuzuar bashkëlojtarët e tij në repartin e mbrojtjes.
Pogba ka thënë se nëse duan të fitojnë trofe, atëherë nuk iu lejohet të pësojnë gola kaq naivë.
“Nëse duam të fitojmë trofe, atëherë këto lloj ndeshjesh nuk duhet t’i diskutojmë. Më vjen shumë keq që pësojmë gola të tillë naivë, të cilët po na kushtojnë”.
“Duhet të bëjmë lojën tonë në fushë, duke mbajtur topin, pasi nuk mund t’ia lejojmë vetes të pësojmë katër gola në një ndeshje, pavarësisht se kush është kundërshtari”.
“Jemi ende në fillim të sezonit ndaj duhet të reagojmë në kohë për të mos komplikuar objektivat tanë”, u shpreh Pogba.
United pas tetë xhirove në Ligën Premier, ka grumbulluar 14 pikë dhe ndodhet në vendin e pestë./Telegrafi/