Dita te Manchester Unitedi filloi me lajmin e shkarkimit të Jose Mourinhos nga detyra e trajnerit.
Një pjesë e tifozëve iu gëzuan këtij lajmi, ndërsa siç duket në mesin e tifozëve të lumtur ishte edhe lojtari Paul Pogba, për të cilin dihej publikisht se nuk ka raporte të mira me Special Onen.
Pak minuta pasi Djajtë e Kuq njoftuan publikun se kanë shkarkuar 55-vjeçarin, francezi ka postuar në Instagram dhe Twitter një fotografi, e cila duket se ishte dedikim për trajnerin portugez.
“Përshkruani këtë“, shkruante në mbishkrimin e imazhit, francezi kështu iu kërkoi tifozëve të komentojnë fotografinë e tij, ku ai jepte një shikim të çuditshëm.
Dhe normalisht që komentet ishin të shumta nga tifozët, kryesisht në drejtim të Mourinhos, ndërsa disa nga ato ishin: “… kur e kupton që trajneri juaj i bezdisshëm është shkarkuar“, “kur kupton se Jose është shkarkuar“.
Gjithsesi ky postim është fshirë pas dhjetë minutash, duke lënë të dyshojmë se ishte një dedikim për Jose Mourinhon.
Vlen të theksohet se trajner i përkohshëm i Man Utd pritet të emërohet Michael Carrick. /Telegrafi/