Paul Pogba pranon se lojtarët janë të shokuar pas humbjes kundër Tottenham Hotspur.
Mesfushori francez beson se Djajtë e Kuq e kanë merituar një rezultat më pozitiv duke marrë parasysh se në pjesën e parë kishin dominuar.
Manchester United pësoi humbje para shikuesve të vetë me rezultat të thellë 3-0 kundër “Gjelave”.
“Edhe ne nuk po mund ta kuptojmë se çfarë ndodhi. E filluam ndeshjen me të vërtetë mirë, por pranuam dy gola në gjysmën e dytë”.
“Është e çuditshme, ishim të vendosur, filluam mirë dhe në fund humbëm 3-0. Ne duhet të vazhdojmë, nuk shqetësohemi për rezultatin, duhet të punojmë. Ne jemi Manchester United dhe nuk do të heqim dorë nga asgjë”, tha francezi.
Gjersa trajneri Jose Mourinho refuzoi të fliste keq për lojtarët e tij pas ndeshjes, duke këmbëngulur se ata nuk pësuan humbje në pikëpamjen taktike, ndërsa i ka lavdëruar edhe tifozët e klubit.
Ndryshe, United ndeshjen e ardhshme do ta zhvillojë si mysafirë ndaj Burnleyt. /Telegrafi/