Paul Pogba ka emëruar ish-sulmuesin e Liverpoolit dhe Chelseat, Nicolas Anelka, dhe aktualisht trajnerin e Bluve, Antonio Conte, si dy nga personat që kanë pasur më së shumti influencë në karrierën e tij.
Francezi nuk ka harruar të përmend edhe disa legjenda të Djajve të Kuq, por gjithsesi ai befasoi me disa emra.
“Ndoshta mund të befasoheni, por Nicolas Anelka, Patrice Evra, Rio Ferdinand, Ferguson dhe Antonio Conte”, ka thënë Pogba për MUFC TV, i pyetur se kush kishte ndikim në suksesin e tij.
“Këta njerëz më kanë ndihmuar shumë të arrij këtu ku jam”, ka shtuar francezi.
Anelka ndoshta është zgjedhja më befasuese pasi ish-ylli i Juves kurrë nuk ka luajtur me atë dhe karriera e të dyve ka disa vite diferencë. /Telegrafi/