Poezi nga: Adrian Mitchel
Përktheu: Fadil Bajraj
(Nga filmi Trupi)
Le të jetojë ai fëmijë
Le të jetojë ajo nënë dhe ai baba
Le të jetojë njeriu
Le të jetojë ky planet i shituar
Le të jetojë qumështi i freskët i ajrit
Le të jetojnë lumenjtë në pjellje dhe oqeanet amnore
Le të jetojnë lëngjet e barit
dhe krejt ai blerim i kufizuar në rruzullin tokësor
Le të jetojnë kafshët që kanë mbijetuar
Le të jetojë dheu, më i thellë se i gjithë mendimi ynë
Boll kemi vrarë deri më tash
Le të jetojë ai njeri
Le të jetojë ajo grua
Që shfyrtëzojnë trimërinë dhe dhembëshurinë
Le të jetojnë fëmijët e tyre
/Telegrafi/