Mauricio Pochettino ka folur në konferencë për shtyp para ndeshjes çerekfinale të Ligës së Kampionëve ndaj Manchester Cityt.
Tottenhami e pret në shtëpi Cityn në ndeshjen e parë çerekfinale dhe sipas trajneri Pochettino kjo do të jetë një ndeshje e vështirë.
“Është vërtetë ndeshje e vështirë sepse Manchester Cityt është njëri nga klubet më të mira në botë, por do të jetë në sfidë e madhe”, ka thënë fillimisht Pochettino në konferencë për shtyp.
“Ne nga minuta e parë duhet të jemi të guximshëm dhe të tentojmë ta fitojmë ndeshjen. Kjo është gjëja më e rëndësishme”.
“Çdokush mund të ketë mendim ndryshe rreth kësaj, por gjëja kryesore për ne është të jemi të guximshëm”.
"From the first moment we need to be brave and try to win the game."#UCL ⚪️ #COYS pic.twitter.com/KHywAsXmLy
— Tottenham Hotspur (@SpursOfficial) April 8, 2019
“Ne do të luajmë në shtëpi dhe neve na nevojitet të jemi të guximshëm, të luajmë futboll dhe të tentojmë fitoren para tifozëve tanë”.
“Duhet të luajmë lirshëm, të vrapojmë, të ndërpremë aksione, të shutojmë, të presim dhe të jemi vetvetja”, përfundoi trajneri argjentinas. /Telegrafi/