Paris Saint-Germain ka pësuar një tjetër pengesë, duke humbur 1-0 ndaj Lille në Ligue 1 për të komplikuar më tej mbrojtjen e tyre të titullit.
Mauricio Pochettino, i cili mori detyrën e trajnerit në janar, është kritikuar në mediat franceze dhe ai është akuzuar për përpjekje të pasuksesshme për të imituar stilin e lojës së ish-trajnerit të tij Marcelo Bielsa.
“Pochettino po instalon këtë ide në ekipin e tij, por atyre u mungon lëvizshmëria, ritmi dhe intensiteti i lartë i nevojshëm për ta bërë atë të funksionojë”, thuhet në artikullin e L’Equipe.
Neymar gjithashtu nën vëzhgim
Neymar u përjashtua kundër Lille, është kritikuar po ashtu në mediat franceze.
“Ai është një lojtar fantastik, por sjellja e tij nuk është sjellje e një shoku skuadre”, ka thënë legjenda franceze Bixente Lizarazu.
PSG kanë shtatë ndeshje të mbetura në Ligue 1 në përpjekje për të fituar titullin. Ata aktualisht janë tre pikë prapa Lille në renditje. /Telegrafi/