Trajneri i Paris Saint-Germain, Mauricio Pochettino paralajmëroi se do të duhet pak kohë që treshja e sulmit të shkëlqejnë së bashku pasi zhgënjyen në barazimin 1-1 në Club Brugge në ndeshjen e Ligës së Kampionëve të mërkurën.
Lionel Messi nuk arriti ta gjej golin në debutimin e tij me PSG-në në Evropë, ndërsa Neymar ishte jashtëzakonisht zhgënjyes dhe Kylian Mbappe u largua i dëmtuar nga takimi, pasi asistoi golin e vetëm të shënuar nga Ander Herrera.
Ishte hera e parë që tre lojtarët sulmues ishin së bashku në fushë dhe ata luftuan për të gjetur njëri-tjetrin dhe për të krijuar hapësirë kundër një skuadre kompakte si belgë e Brugge.
“Kërkon kohë që ata të shkëlqejnë së bashku. Kërkon punë. E kisha bërë të qartë se ne nuk jemi ende një ekip. Duhet të punojmë për këtë”, ka thënë fillimisht Pochettino pas ndeshjes.
Messi dhe Neymar, duke filluar nga krahët, lanë krahët e ekspozuar dhe Brugge shfrytëzoi hapësirën me një paraqitje të fortë kolektive pasi mesfusha e PSG-së ishte pothuajse inekzistente në mungesë të Marco Verrattit të dëmtuar.
Kjo bëri që Pochettino të zëvendësojë Leandro Paredes me Danilon dhe Georginio Wijnaldum me Julian Draxler, por pa asnjë efekt.
“Ne kishim nevojë për më shumë qëndrueshmëri dhe më shumë rrjedhshmëri. Ne bëmë shumë gabime”.
“Por pavarësisht gjithë kësaj unë jam i kënaqur me lojtarët. Ne duhet të ruajmë qetësinë dhe të vazhdojmë të punojmë”, përfundoi trajneri argjentinas. /Telegrafi/