Xiaomi Redmi 9 duhet të jetë në dispozicion për 130 euro dhe do të ketë 4 kamera.
Telefoni i mençur i ri nga Xiaomi, Redmi 9, do të nisë në qershor. Imazhet dhe të dhënat teknike të pajisjes tashmë janë zbuluar përmes platformës së shitjeve Lazada në Filipine, transmeton Telegrafi.
Këtë e bëri të ditur përdoruesi i Twitter-it, Sudhanshu. Ai ndau fotografi që duhet të përmbajnë specifikimet teknike të celularit dhe të duken si grafika zyrtare të reklamave.
Redmi 9 do të paraqitet në tre ngjyra të ndryshme: kaltër-vjollcë, gjelbër dhe hiri. Sipas rrjedhjes, në pjesën e pasme është i vendosur një sistem prej 4 kamerave. Kamera selfie është vendosur në pjesën e sipërme të telefonit, në qendër të tij.
FullHD + dhe bateri e madhe
Ekrani 6.53 inç thuhet se ka një rezolucion prej 2340×1080. Si procesor u instalua një Helio G80, i cili ka gjithsej 8 bërthama.
Bateria thuhet se ka një kapacitet prej 5,020 mAh.
Telefoni celular duhet të shfaqet në dy versione: me 3 GB RAM dhe 32 GB ruajtje ose me 4 GB RAM dhe 64 GB ruajtje.
Varianti më i lirë është 130 euro, më i shtrenjti 157 euro.
Aktualisht është ende e paqartë nëse telefoni i mençur do të shfaqet edhe në Evropë. /Telegrafi/