Jamie Carragher është treguar i ashpër me portierin Andre Onana, i cili po vazhdon me paraqite të dobëta me klubin Manchester United.
Kamerunasi bëri dy gabime fatale në përballjen ndaj Galatasaray në Ligën e Kampionëve.
Portieri i Manchester United ua hoqi shokëve dhe klubit mundësinë e fitores aq tepër të nevojshme për kualifikimin, pasi turqit morën një barazim me rezultat 3-3 me gabimet e tij.
Legjenda e Liverpoolit, Carragher, thekson se as një lojtar i skuadrës së të rinjve nuk gabon si 27-vjeçari.
“Ten Hag duhet të jetë i shqetësuar për të ardhmen. As një portier i skuadrës U18 nuk mund të gabojë si Onana në rastin e golit të dytë të Galatasarayt”.
“Nëse një portier i të rinjve do të kalonte tek United dhe do të luante si Onana, me shumë mundësi ai nuk do ta shihte më kurrë skuadrën e parë… “, ka thënë Carragher. /Telegrafi/