Kamerat e sigurisë në bulevardin Galati në Rumani kanë kapur momentin, kur një baba shpëton fëmijën e tij 8-muajsh për një ‘fije floku’ nga përplasja e veturës që me gjasë do të ishte fatale për të.
Në video shihet burri duke shtyrë në trotuar karrocën e fëmijës së vogël, kur një veturë përfshihet në një aksident pak metra larg tij, transmeton Telegrafi.
Nga përplasja direkte me një shtyllë të ndriçimit publik, vetura u rrokullis dhe po lëvizte drejt tyre. Por reflekset dhe instinktet e këtij prindi ishin ato që i shpëtuan jetën fëmijës.
Ai arriti ta largojë karrocën dhe ta fsheh prapa vetes, derisa po vinte me shpejtësi të tyre. Aty ishte edhe një lloj saksie e madhe gjigante që i ndihmoi t’i mbijetojnë më të keqes.
Vetura për pak centimetra nuk e godet karrocën në të cilën gjendej fëmija 8 muajsh – ku po të goditej sigurisht se do të ishte goditje fatale. /Telegrafi/
