Një ‘snowboarder’ i Kolorados në SHBA shpëtoi për pak kur një ortek ‘vërshoi’ poshtë malit në të cilin ai ndodhej.
Sipas DailyMail, përcjell Telegrafi, Maurice Kervin, 25-vjeçar, po rrëshqiste në borë në No Name Peak afër Loveland Pass në Summit County kur papritmas u kthye dhe pa se një përmbytje dëbore po vërshonte pas tij.
Kervin një skiator me përvojë, por ‘snowboarder’ amator nga Denver, sapo kishte filluar zbritjen e tij poshtë malit kur shkaktoi ortekun.
Amerikani arriti ta xhirojë gjithë këtë moment drithërues.
“Jam shumë falenderues që isha gjallë, sinqerisht, dhe jo i ‘varrosur’, dhe jo i lënduar”, tha Kervin për CNN.
