Ky është momenti shokues kur një gazetare e një televizioni spanjoll ngacmohet seksualisht nga një burrë, derisa ajo po raportonte live nga Madridi.
Isa Balado po raportonte për një dyqan ku kishte ndodhur plaçkitja, kur burri iu afrua nga pas dhe ia preku të pasmet, transmeton Telegrafi.
Pavarësisht se e ngacmoi, Balado vazhdoi raportimin duke i kërkuar që ta lë ta kryej punën e saj.
Por këto lutje të saj hasën në vesh të shurdhër, pasi ai vazhdonte ta ngacmonte duke i prekur flokët dhe sërish u rikthye për të biseduar me të.
Ky burrë më vonë është arrestuar nga policia, kurse autoritetet e rendit më vonë kanë publikuar pamjet ku i dyshuari shihet i shoqëruar në stacionin e policisë.
Balado po raportonte nga Calle del Duque de Alba, lagje në qendër të Madridit, ku një ditë më parë kishte ndodhur një plaçkitje në një dyqan. /Telegrafi/
🚨🚨🚨 AGRESIÓN SEXUAL EN DIRECTO a nuestra reportera @IsaBalado: "¿De verdad me tienes que tocar el culo?"
Y tremenda reacción de @Nacho_Abad: "¡Pásame a este tío tonto!" pic.twitter.com/JOcbTLSFwI— En boca de todos (@EnBocaDe_Todos) September 12, 2023