Pjesa e gjashtë e parodisë së famshme “Filmi i frikshëm” do të fillojë së shpejti xhirimet dhe premiera pritet në vitin 2026.
Pasi u publikua lajmi në tetor se krijuesit e filmit origjinal Keenen Ivory Wayans, Shawn Wayans dhe Marlon Wayans po bashkohen sërish për të shkruar dhe prodhuar “Filmi i frikshëm 6”.
Informacioni fillestar njoftoi se Miramax do të fillonte prodhimin në vitin 2025 pa asnjë tregues se kur do të dilte filmi.
Megjithatë, siç pohon burimi për mediat, synimi i tyre është që filmi të fillojë të shfaqet në kinema në vitin 2026. Marlon Wayans së fundmi zbuloi se filmi do të dalë diku në vitin 2026, por ai nuk kishte asnjë informacion për një datë specifike.
Ky informacion përkon me lajmin për datën e fillimit të prodhimit, i cili është planifikuar për vitin 2025, por nuk do të ishte çudi nëse vazhdimi i ri do të mbërrinte në korrik të atij viti, duke iu përmbajtur orarit të pjesës së parë dhe të dytë, të cilat u shfaqën edhe në javën e parë të korrikut.
Meqë ra fjala, vazhdimi i tretë u publikua në tetor, ndërsa pjesa e katërt dhe e pestë dolën në prill.
“Ne jemi të emocionuar që ribashkojmë ‘Filmin e frikshëm’ me vëllezërit Wayans, krijuesit e shkëlqyer që qëndrojnë pas ekskluzivitetit ikonë,” tha shefi i Miramax, Jonathan Glickman kur u shpall për herë të parë filmi. /Telegrafi/