Një ari i ri ka rënë nga një shkëmb, pasi ishte duke tentuar të shpëtonte nga një ndjekje e disa fshatarëve.
Sipas mediave të huaja, përcjell Telegrafi, pamjet shqetësuese tregojnë momentin kur këlyshi i ariut po mundohej të ngjitej në një shpat të pjerrët në zonën e Drass të Jammut dhe Kashmirit në Indi.
Vendasit thuhet se e kanë parë kafshën në fshat dhe e kanë ndjekur atë në shkëmb, përpara se të hedhin gurë në drejtim të saj.
Më tej thuhet se kafsha e rrezikuar u godit nga një numër gurësh para se të binte në lumin më poshtë.
Një turmë mund të dëgjohet duke brohoritur në sfond ndërsa arushi zhytet drejt fundit të tij, incident që thuhet të ketë ndodhur më 10 maj. /Telegrafi/
