Prej ditës së djeshme ka filluar gara e shtatë ndërkombëtare në shah “Open Karposh 2017” në Komunën e Karposhit. Turniri do të zgjasë deri më 8 prill dhe tradicionalisht mbahet në hotelin “Aleksandar Palace”, njofton Telegrafi Maqedoni.
Organizatori i këtij turneu, Zoran Stojçevski theksoi se ky është ndër turnetë më të famshëm në Ballkan. Për të garuar për epitetin e më i mirit të këtij turneu, kanë udhëtuar mbi 190 garues, nga mbi 30 vende të botës.
Turneu në shah, “Karposh Open” ka filluar më 1 prill dhe do të zgjasë deri më 8 prill. “Karposh Open” mbahet për të shtatin vit me radhë dhe mbështetet nga komuna e Karposhit, ndërsa realizohet nga shkolla e shahut “Gambit Aseko” nga Shkupi./Telegrafi/
