Shtohen zërat për një rikthim në ring të boksierit amerikan, Floyd Mayweather, që pas publikimit të një videoje në Instagram ku shfaqej duke u stërvitur.
Ish-kampioni i botës u tërhoq në shtatorin e kaluar pasi kishe zhvilluar 49 meçe si profesionist. Mayweather e mbylli karrierën me 49 fitore dhe asnjë humbje (26 fitore me KO), por fjalët për një rikthim në ring dhe ofertat në adresë të tij nga boksierët nuk kanë munguar asnjëherë, transmeton Telesport.
Në videon e postuar, ai ka treguar se ka një formë të shkëlqyer sportive, njësoj si kur boksonte, ndërkohë që dhe aftësitë e tij nuk i kanë humbur.
Mayweather aktualisht ndodhet në Las Vegas, ku dhe është duke u stërvitur. Pas tërheqjes nga sporti ai ka kaluar kohën më të madhe duke shëtitur botën dhe duke menduar më shumë për shoqërinë e tij të trajnimit të boksierëve të rinj.
Ende nuk dihet nëse ish-boksieri amerikan do t’i rikthehet ringut një vit pas tërheqjes, por ai ka deklaruar se këtë gjë do ta bëjë vetëm nëse i vjen një ofertë prej 100 milionë dollarësh.