Leon Bailey është duke kaluar nëpër një formë të jashtëzakonshme këtë edicion me Bayer Leverkusenin.
Sulmuesi xhamajkan ka shënuar nëntë gola e ka bërë gjashtë asistime në 16 ndeshje të zhvilluara me klubin gjerman.
E falë këtyre statistikave, ai është bërë njëri nga lojtarët më të kërkuar nga gjigantët anglez.
Manchester United, Arsenal, Tottenham Hotspur dhe Everton janë ekipet që duan transferimin e lojtarit.
Megjithatë sulmuesi anësor në ndeshje ndaj Hoffenheim ka shënuar golin e vitit në Gjermani.
Vetëm katër minuta pasi filloi ndeshja, Bailey realizoi një gol spektakolar nga një pozitë shumë e vështirë.
23-vjeçari goditi fuqishëm nga distanca për të realizuar në kënd njërin nga golat më të mirë në Gjermani këtë vit dhe jo vetëm.
Gjithsesi goli i tij në rrjetet sociale është shpërndarë jashtëzakonisht shumë dhe sigurisht që falë këtyre paraqitjeve të mira çmimi i tij është duke u rritur edhe më shumë.
Sipas medieve gjermane, Leverkusen nuk e ka ndërmend të pranojë asnjë ofertë nën 50 milionë euro. /Telegrafi/
👀 Bayer Leverkusen's Leon Bailey, who is being scouted by Manchester United, has scored this banger in today's Bundesliga match 🔥 #mufc #mujournal pic.twitter.com/bDaIcmv2zJ
— United Journal (@theutdjournal) December 13, 2020