Ky është momenti rrëqethës kur një piton gjigant e kafshon në këmbë një pensioniste, derisa ajo ishte duke fjetur në dhomën e gjumit.
Kaew Sudsopha, 75-vjeçe, ishte në shtrat dhe në gjumë të thellë kur nga tualet u shfaq një piton gjigant, që në një moment e kafshoi në këmbë, transmeton Telegrafi.
Kamera e sigurisë e vendosur brenda dhomës me qëllim që të monitorojë çdo lëvizje të kësaj gruaje të moshuar, shfaq momentin kur gjarpri i afrohet te shtrati dhe në momentin që ajo lëviz këmbën që e mbante të varur, e sulmon duke e kafshuar.
Ajo menjëherë reagon duke u ngritur në këmbë, e në momentin që e ndez elektrikun e kupton se bëhet fjalë për një piton. E për ta shmangur më të keqen largohet me vrap nga dhoma dhe i telefonon ekipeve të specializuara për kapjen e gjarpinjve.
E gjithë ngjarja është zhvilluar në një shtëpi private në Bangkok të Tajlandës, kurse pas intervenimit të mjekëve gjendja e gruas së moshuar është stabilizuar. /Telegrafi/
