Ky është momenti rrëqethës kur një burrë filmon veten duke e goditur treni, pasi pozonte për të bërë një selfie duke mos ditur se prapa shpinës së tij po vinte me shpejtësi të madhe treni.
Videoja e publikuar më poshtë shfaq burrin e identifikuar si Shiva duke qëndruar në shina të trenit në Hyderabad të Indisë, dhe po buzëqeshte para kamerës së telefonit, transmeton Telegrafi.
Disa sekonda më vonë atë e godet treni që po lëvizte me shpejtësi pas shpinës së tij, të cilin e hedh në ajër dhe ndalet filmimi i videos. Për fat të mirë, ai i ka shpëtuar goditjes duke pësuar vetëm lëndime të lehta në kokë.
Por është interesant se si edhe pse boria e trenit vazhdimisht dëgjohej si paralajmërim që të largohet nga binarët, ai duket se nuk e dëgjonte dhe nga dëshira e madhe për të bërë një selfie po qëndronte pa u lëkundur. /Telegrafi/
