“Unë kam qenë shumë e lodhur, e lodhur dhe e hutuar si kurrë më parë në jetën time”, tha Kristiina Chartouni, një edukatore finlandeze veterane që filloi mësimin e nxënësve amerikanë të shkollës së mesme këtë vjeshtë.
“Unë me sa duket po bëj atë që dua, por unë nuk e njoh këtë profesion si atë që e dashuroja në Finlandë. Në Amerikë ndihem e pa vlerësuar për punën që bëj”.
Chartouni, e cila është martuar me burrin kanadez, u transferua nga Finlanda në Florida me familjen e saj në vitin 2016, pjesërisht për shkak të situatës së punësimit të bashkëshortit të saj atje.
Pas përpjekjeve për të arritur jetën që kishte në Finlandë ajo dështoi, edhe pse ishte në top 10% të studentëve më të mirë të gjeneratës dhe me përvojë disa vjeçare në mësimdhënie.
A po nënvlerësohet grada master?
Sipas Chartouni-t vendet jashtë Skandinavisë po e nënçmojnë gradën master, duke i paguar mësimdhënësit njëjtë si të kualifikuar ashtu edhe ata pa kualifikim.
Përderisa në sistemin finlandez pagat e mësimdhënësve janë më të lartat nga të gjithë punonjësit publik dhe konkurrenca për tu punësuar si mësimdhënës është tejet e madhe.
Në fakt vetëm pas diplomimit master një kandidat mund të aplikojë për tu bërë mësimdhënës.
