Bashkëlojtari i Mario Balotellit te Nice, Asassane Plea, ka deklaruar se ai do të paguante 100 milionë euro për të transferuar sulmuesin italian.
Balotelli u anashkalua edhe njëherë nga Italia për miqësoret e tyre në muajin e kaluar, pavarësisht shënimit të 22 golave për Nice këtë sezon.
Shoku i tij te Nice, Plea e bëri të qartë se sa ai vlerësoi partnerin e tij të sulmit te skuadra franceze.
“Ai është një sulmues shumë i efektshëm, trajnimi me të është super dhe gjithmonë mësoj gjëra të reja prej tij”, ka thënë fillimisht Plea për Marca.
“Mario më flet shumë dhe për këtë unë i kam shumë borxh”.
“Unë gjithashtu do të paguaja 100 milionë euro për të. Ai shënon shumë, të paktën 20 gola në sezon”.
“Duke pasur parasysh çmimet në futbollin e sotëm, unë do të paguaj 100 milionë euro për të”, përfundoi sulmuesi i Nice.
Ndryshe, Plea dhe Balotelli gëzojnë një partneritet të mirë në Nice dhe janë njëra nga dyshet më të rrezikshme në Ligue 1. /Telegrafi/