Në kuadër të seancës së 120-të të Kuvendit po shqyrtohet projektligji për sistemet e pagesave, i cili është dorëzuar nga përfaqësuesit e Partisë Liberal Demokratike, “Të Majtës” dhe RDM-së.
“Qytetarët që shfrytëzojnë çdo ditë shërbimet e bankave janë dëshmitarë të kostove dhe komisioneve të larta, si për miratimin e kredive, mbajtjen e llogarive, komisionet për kontrollin e llogarisë së transaksionit, madje edhe tërheqjen e parave nga një bankë tjetër, nëse ajo është e ndryshme nga banka depozituese e qytetarëve”, theksojnë nga PLD.
Nga atje thonë se ky ligj i propozuar parashikon ulje apo heqje të ndjeshme të kostove dhe komisioneve bankare. Në këtë mënyrë zvogëlohen edhe shpenzimet mujore të qytetarëve, duke hedhur kështu hapa drejt një të ardhmeje më të drejtë financiare për të gjithë./Telegrafi/