"Incidenti ka ndodhur rreth orës 15:00 në zonën industriale Inter Europa, në afërsi të terminalit doganor, ku në filialin e një banke kanë shkuar dy të dyshuar, dhe njëri prej tyre nën kërcënimin e armës ka marrë nga aty një arkë me të holla”, ka thënë zëdhënësi policor Arbër Beka.
Ai ka shtuar se policia ka konfiskuar një veturë si pjesë e hetimeve.
“Njësitet policore, përfshirë ato të hetimeve, kanë dalë në vendin e ngjarjes. Policia ka konfiskuar një veturë, me targa të Prishtinës, si pjesë e procedurës hetimore”, ka thënë Beka.
Sipas policisë, nuk dihet saktë shuma e parave të plaçkitura. /Telegrafi/