Ramë Lahaj po vazhdon të mrekullojë me paraqitjet anembanë globit.
Ai po konsiderohet si një ndër tenorët më të mëdhenj të kohës sonë, ku po merr vlerësime të mëdha.
Një të tillë e ka bërë edhe hiq më pak se tenori spanjoll, Placido Domingo, i cili ka folur për talentin e rrallë të shqiptarit.
Në fakt, videon teksa Placido flet për Lahajn e ka ndarë për fansat një shqiptar tjetër i suksesshëm, fotografi Fadil Berisha.
“Rama është në kohë të përkryer të përgatisë paraqitjet e tij dhe unë jam krenar me të. Ai tashmë ka perfomuar në teatrot më të mëdhenj botëror”, tha Placido.
“Është tenor që i ka të gjitha mundësitë për të bërë karrierë fantastike”, ka thënë spanjolli në video dokumentar të titulluar “Placido for Ramë Lahaj”.
Ndryshe, Lahajn do ta shohim edhe në disa koncerte të mëdha botërore deri në fund të këtij viti. /Telegrafi/