Me rezultat të barabartë (1-1) është mbyllur pjesa e parë e ndeshjes së fundit grupore të ‘Euro 2020’ ndërmjet Portugalisë dhe Francës që zhvillohet në Puskas Arena.
Padyshim se vëmendja e gjithë futbolldashësve ishte në Budapest, ku luajnë kampioni evropian dhe kampioni botëror. Në 45 minutat e para u realizuan dy gola, nga një në secilën anë.
Portieri Hugo Lloris e grushtoi Danilon dhe gjyqtari vendosi për njëmbëdhjetëmetërsh. I saktë nga pika e bardhë ishte njeriu i rekordeve, Cristiano Ronaldo (31’).
Në minutat shtesë u akordua penallti edhe për francezët, të cilën e konvertoi në gol Karim Benzema (45’+2).
Pas rezultateve të pjesëve të para, Franca është lidere e Grupit F me pesë pikë, në vend të dytë është Portugalia me katër pikë, pason Hungaria me katër pikë dhe në fund Gjermania me tri pikë. /Telegrafi/
Cristiano Ronaldo scores the penalty to put Portugal ahead… Easy.
____________#PORFRA pic.twitter.com/lJP6x7G7eV— Prime. (@TrashTalkMVP) June 23, 2021