Kosova ka treguar formë të lartë në pjesën e parë duke e mbyllur me dy gola në epërsi ndaj Malit të Zi.
Ndeshja e vlefshme për eliminatoret e Euro 2020, po shkon në mënyrën më të mirë për ekipin tonë.
Me të filluar ndeshja në minutën e 10-të, Kosova kaloi në epërsi me një gol të mbrojtësit Amri Rrahmani me kokë, pas harkimit nga këndi të Bersant Celinës.
Amir Rrahmani ⚽️
#KOSMNE #Rrahmani #Kosovo pic.twitter.com/uEb3SwzoRp— 6 TIMES (@kloppoynwa) October 14, 2019
Kosova nuk u ndal duke i radhitur rastet me Milot Rashicën, Vedat Muriqin dhe Florent Hadërgjonajn, por pa sukses.
U desh të pritet minuta e minuta e 35-të e ndeshjes, kur një kundërsulm i shpejtë i ekipit tonë e vuri në vështirësi mbrojtjen malazeze, ku Florent Hadërgjonaj pason bukur te Vedat Muriqi që shënon pas dy tentimeve (2-0).
Fenerbahçe'nin golcüsü Vedat Muriqi gole biraz renk katmak için rakip kaleciyle duvar pası yaptı. pic.twitter.com/a2O6jIuoLH
— Zaytunq Spor (@zaytunqspor) October 14, 2019
Edhe pas golit djelmoshat tanë e ruajtën dominimin si me top edhe me raste.
Kemi pasur 11 tentime në portë në pjesën e parë, pesë prej të cilave në kuadrat. Posedimi i topit ishte 49-51 në të mirë të malazezëve.
Pjesa e dytë pritet të jetë e zjarrtë me djelmoshat tanë që po tregojnë angazhim dhe formë të lartë. /Telegrafi/
