Ka shumë faktorë që mund të ndikojnë në jetëgjatësinë e telefonit. Për shembull, përdorimi i materialeve të forta luan një rol.
Poashtu edhe përdorimi i pjesëve më të fuqishme mund t’u lejojnë përdoruesve të mbajnë telefonat e tyre për disa vite dhe çështja e riparimeve – sa më i lehtë është riparimi, aq më gjatë mund ta mbani atë.
Nëse një telefon është i vështirë për t’u riparuar dhe nëse pjesët janë të vështira për t’u gjetur, kjo do të thotë se në rast se telefoni është i dëmtuar, mund të jetë më e lirë për të blerë një të ri.
Fatmirësisht, telefonat e fundit të lansuar nga Google, Pixel 3a dhe 3a XL mund të jenë nga telefonat e mençur më të lehtë për t’u riparuar.
Kjo është në përputhje me një testim të kryer nga ekipa e iFixit, të cilët i dhanë telefonit një 6 nga 10 në drejtim të riparueshmërisë.
Pajisja e mëparshme – Pixel 3, shënoi vetëm 4 nga 10 për riparueshmëri.
Sipas kompanisë, ata kanë gjetur se pjesa më e madhe e komponentëve në telefon janë modularë dhe mund të zëvendësohen lehtësisht pasi të hiqet asambleja e ekranit. /Telegrafi/