Në botën e Hollywoodit nuk është lehtë të jesh femër, por nëse është mirë të keni pranë vetes një mashkull që mund t’ju mbrojë. Me rastin e daljes së filmit “Ad Astra”, Brad Pitt ka dhënë një intervistë të gjatë për CNN.
Mes tjerash, ai ka folur edhe për rastin kur i është kundërvënë producentit Harvey Weinstein, i cili është akuzuar nga shumë ferma për keqtrajtim seksual.
Në vitet e nëntëdhjeta, aktori ishte në lidhje me Gwyneth Paltrow, të cilën asokohe Weinstein e kishte angazhuar në filmin “Emma”. Filmbërësi e kishte ftuar atë në apartamentin e tij dhe aktorja kishte shkuar duke besuar se ishte takim pune.
Mirëpo, ai kishte filluar ta prekte duke i kërkuar të shkonin në dhomën e gjumit. Ajo kishte refuzuar dhe kishte shkuar te i dashuri i atëhershëm, Pitt, të cilit i kishte rrëfyer gjithçka.
Brad ishte përballur me Weinstein dhe ai i kishte hedhur poshtë akuzat. Mirëpo, ylli hollivudian ishte kujdesur që të dashurës së tij të mos i ndodhte asgjë në të ardhmen. Ndërsa në tregimin e saj, Paltrow ka thënë se aktori e kishte përplasur për muri producentin dhe e kishte kërcënuar me vdekje.
“I ka thënë se do ta vrasë, në rast edhe një herë ndihem keq për shkak të tij”, ka treguar më herët Gwyneth për SiriusXM.
“Asokohe, unë isha vetëm nja djalë nga Ozarks dhe ashtu i zgjidhnim gjërat atje”, ka thënë Pitt. /Telegrafi/