Një video shokuese në të cilën shfaqet momenti kur një burrë i vdekur nxirret nga barku i pitonit shtatë metra i cili e kishte përpirë, është publikuar në internet.
Akbar Salubiro 25-vjeç, ishte shpallur i zhdukur gjatë të dielës mbrëma në një fshat në Indonezi, transmeton Telegrafi.
Por miqtë dhe të afërmit e tij të brengosur kishin gjetur një piton në oborrin e shtëpisë së të ndjerit – të cilët dyshonin se ai është gëlltitur i tëri nga ky gjarpër gjigant.
Për fat të keq, ata gjetën trupin e tij të pajetë brenda barkut të pitonit të cilën e prenë në mes me një thikë gjigante 40 centimetra të gjatë.
Në videon e tmerrshme shihet trupi i pajetë duke u nxjerrë me kujdes nga reptili vrasës, të cilit i është hapur barku në një madhësi prej më shumë se dy metra. /Telegrafi/
