Jay Brewer, një YouTuber amerikan dhe themeluesi dhe CEO i Reptile Zoo Prehistoric Inc, shpesh ndan video interesante të gjarpërinjve dhe zvarranikëve të tjerë nga kopshti i tij zoologjik.
Së fundmi, ai ka shpërndarë një tjetër video magjepsëse që e tregonte duke u mbrojtur nga një piton që tentoi ta sulmonte.
Videoja fillon me Brewer duke e trajtuar me besim zvarranikun gjigant.
Në sekond, gjarpri kërcen në fytyrën e burrit me një shpejtësi të madhe, përcjell Telegrafi.
Sulmi i papritur e kap atë në befasi, por reflekset e tij të shpejta e shpëtojnë.
“Gjarpërinjtë nuk janë thjesht të poshtër, por janë edhe shumë të zgjuar”, thuhet në mbishkrimin e videos.
Përdoruesit e internetit kanë mbetur të tmerruar pasi kanë parë videon dhe kanë reaguar me një sërë komentesh.
Ndërsa disa shpreheshin të habitur, të tjerë ishin të shqetësuar për mirëqenien e burrit.
Një përdorues shkroi: “Ndoshta do të ndihej si një grusht nga Mike Tyson”.
Një tjetër shtoi: “A nuk është kjo arsye e mjaftueshme për të lënë këtë punë?”. /Telegrafi/