Një fëmijë është sulmuar nga një pitbull, derisa kalimtarët e rastit që ishin dëshmitarë të këtij tmerri janë munduar ta trembin qenin duke e goditur me shkopinj, por, si pasojë e këtij sulmi tre persona janë dërguar në spital.
Kamerat e sigurisë kanë filmuar momentin kur në Uttam Nagar të Indisë, qeni i tërbuar ndjek një djalë të vogël, të cilin e kafshon në këmbë dhe e tërheq zvarrë nëpër rrugë, transmeton Telegrafi.
Por, reagimi i qytetarëve ishte i menjëhershëm, pasi një grua shihet duke u munduar ta shpëtoj vogëlushin, duke e goditur me shkop në kokë pitbullin.
Megjithatë, edhe pse qeni goditet vazhdimisht në kokë, ai nuk tërhiqet dhe në një moment i vërsulet një burri që ishte afër djalit të vogël.
Si pasojë e këtij sulmi, tre fëmijë janë dërguar me urgjencë në spital për shkak të lëndimeve të marra, por janë jashtë rrezikut për jetë. /Telegrafi/
